झिमरुक खोलाले बगाउँदा एकजनाको मृत्यु

प्यूठान : झिमरुक खोलाले बगाएर एक जनाको मृत्यु भएको छ। गौमुखी गाउँपालिका-४ वाग्लिवाङ स्थायी घर भइ प्यूठान नगरपालिका-४ बिजुवारमा बस्ने ४२ वर्षीय राजेश सुनारको मृत्यु भएको हो।

ऐरावती गाउँपालिका-५ पकलास्थित झिमरुक खोलामा डुबेको अवस्थामा उनको शव भेटिएको हो। बिजुवार गणतान्त्रिक खेल मैदान नजिक खोला किनारमा उनले प्रयोग गर्दै आएको लु १२ प ८३०० नम्बरको बजाज डिस्कभर मोटरसाइकल मोटरसाइकल, चप्पल र मोबाइल भेटिएको प्रहरीले जनाएको छ।