सेतीको पहिरोबाट तत्काललाई छैन जोखिम

पोखराको रातो पैह्रोमा आएको पहिरोले तत्काल जोखिम नभएको निष्कर्ष निकालिएको छ । विज्ञसहित पोखरा महानगर, प्रशासन र प्रहरीसहितको टोलीले सेतीको पहिरोले तत्काल जोखिम नहुने निष्कर्ष निकालेको हो ।

पोखरा–१७ र १५ को सिमानामा पर्ने सिताराम पुलसँगै जोडिएको मितेरी पुलभन्दा करीब ३५–४० मिटर तल्लोपट्टी सेतीनदी थुनिएको छ । करीब ३ महिनाअघि पहिरो खसेकै ठाउँमा शुक्रबार पनि पहिरो खसेपछि नदी थुनिएको हो । अविरल वर्षापछि खसेको चट्टानसहितको माटोले नदी थुनिएपछि करीब ५०–६० मिटर अग्लो झरना बनेर नदी बगिरहेको छ । यसले तल्लो तटीय क्षेत्रका बासिन्दा जोखिम बढेको भन्दै त्रसित बनेका छन् ।