फागुन २१ को चुनावमा ‘डिप फेक’ प्रविधिको अधिक प्रयोग

काठमाडौं । ०८२ फागुन २१ को प्रतिनिधिसभा निर्वाचनमा ‘डिप फेक’ प्रविधिको अधिक प्रयोग भएको एक अध्ययनले देखाएको छ । साथै, राजनीतिक दल र उमेदवारहरूको चुनावी अभियान परम्परागत शैलीबाट डिजिटल माध्यमतर्फ तीव्र रूपमा सरेको उल्लेख छ ।

डिजिटल राइट्स नेपाल (डीआरएन)ले सार्वजनिक गरेको ‘यूज एन्ड इम्प्याक्ट अफ डिजिटल स्पेस इन नेपाल्स इलेक्सन २०२६’ शीर्षकको अध्ययन प्रतिवेदनले सामाजिक सञ्जाल, कृत्रिम बौद्धिकता (एआई) र डिजिटल प्रचारले निर्वाचन प्रक्रियामा उल्लेखनीय प्रभाव पारेको निष्कर्ष निकालेको हो ।