बेटिङमा संलग्न १ जना चितवनबाट पक्राउ, मोबक्याश र बाइनान्समार्फत करिब ९० लाख रुपैयाँको कारोबार

काठमाडौं । जिल्ला प्रहरी कार्यालय चितवनले प्रतिबन्धित अनलाइन सट्टेबाजी (बेटिङ) र अवैध अभौतिक मुद्रा (क्रिप्टोकरेन्सी) कारोबारमा संलग्न रहेको आरोपमा भरतपुरबाट एक जनालाई पक्राउ गरेको छ । पक्राउ पर्नेमा चितवन, कालिका-६ खोले सिमल बस्ने ४४ वर्षीय नारायण श्रेष्ठ रहेका छन् ।

प्रहरीका अनुसार श्रेष्ठले गैरकानुनी रूपमा अनलाइन सट्टेबाजी खेलाउने तथा क्रिप्टोकरेन्सीको अवैध कारोबार गर्ने गरेको भन्ने विशेष सूचना प्राप्त भएको थियो । सोही सूचनाको आधारमा खटिएको जिल्ला प्रहरी कार्यालय चितवनको टोलीले उनलाई २ साउनमा भरतपुरबाट नियन्त्रणमा लिएको हो ।