दुई कार्यकाल सकिए, थिति बसेनः अन्तिम वर्ष पनि ९ स्थानीय सरकार बजेटविहीन

काठमाडौंँ । नेपालमा संघीयता कार्यान्वयनको महत्त्वपूर्ण खुड्किलोका रूपमा २०७४ वैशाख अन्तिम साता पहिलो ऐतिहासिक स्थानीय तहको निर्वाचन भएको थियो । त्यसयता दोस्रो पटक स्थानीय तहको निर्वाचन भई दोस्रो कार्यकालका जनप्रतिनिधिहरूले आफ्नो कार्यभार सम्हालिरहेका छन् ।

वर्तमान जनप्रतिनिधिहरूका लागि आ–आफ्नो कार्यकालको अन्तिम वार्षिक बजेट प्रस्तुत गर्ने कानुनी समयसीमा समाप्त भइसकेको छ । दुई–दुई पटक स्थानीय निर्वाचन सम्पन्न भई स्थानीय शासन सञ्चालनको लामो अनुभव हासिल गरिसक्दा पनि बजेट जस्तो आधारभूत र संवेदनशील विषयलाई समयमै टुङ्गो लगाउन नसक्नुले स्थानीय सरकारहरूको वित्तीय अनुशासन अझै कमजोर देखियो ।