सोमबार नेपाल आइपुग्दै १२ सय ५० मेट्रिक टन डीएपी मल

धान रोपाइँको मुख्य सिजन चलिरहेका बेला नेपालमा भोलि (साउन ४ गते) १ हजार २५० मेट्रिक टन डीएपी मल आइपुग्ने भएको छ।

कृषि सामग्री कम्पनी लिमिटेडका अनुसार ग्लोबल टेन्डरमार्फत खरिद गरिएको ३० हजार मेट्रिक टन डीएपी मल भारतको कोलकाता बन्दरगाहमा गत जुलाई १० मा आइपुगेको थियो। त्यसमध्ये पहिलो चरणमा १ हजार २५० मेट्रिक टन मल साउन १ गते नेपालतर्फ ढुवानी सुरु गरिएको थियो, जुन भोलि वीरगञ्ज नाका हुँदै नेपाल भित्रिनेछ।