हिउँदमा लोडशेडिङको जोखिम तर बर्खामा खेर जान्छ नेपालको बिजुली

आफूहरूले सीधै बिजुली निर्यात गर्न नपाउँदा बर्खायाममा नेपाललाई बढी भएको ठूलो परिमाणमा बिजुली खेर गइरहेको निजी ऊर्जा उत्पादकहरूको संस्था 'इप्पान'का प्रमुखले बताएका छन्।

नेपाल विद्युत् प्राधिकरण र निजी क्षेत्रका जलविद्युत् तथा सौर्य ऊर्जा उत्पादकबाट समेत गरी बर्खामा ४,३०० मेगावाटसम्म बिजुली उत्पादन गर्ने क्षमता नेपालसँग छ। तर देशमा २,५०० मेगावाटसम्म मात्रै माग रहेको र भारत तथा बाङ्ग्लादेशमा समेत गरी थप १,२०० मेगावाट निर्यात भइरहेको विद्युत् प्राधिकरणले जनाएको छ।