पृथ्वी राजमार्गको फिस्लिङ र चुमखोलामा पहिरो

काठमाडौँ । अविरल वर्षाका कारण पृथ्वी राजमार्गअन्तर्गत इच्छाकामना गाउँपालिका–२ फिस्लिङको पानीधारा र चुमखोलामा पहिरो खस्दा सडक यातायात पूर्ण रूपमा अवरुद्ध भएको छ। आज सोमबार बिहान २:२० बजे खसेको पहिरोका कारण सवारी आवागमन ठप्प भएको हो।

जिल्ला प्रहरी कार्यालय चितवनका प्रमुख प्रहरी उपरीक्षक (एसपी) रामेश्वर पौडेलका अनुसार पहिरो पन्छाएर आज बिहान ९:०० बजेसम्ममा सडक पुनः सञ्चालन गर्ने गरी तीव्र रूपमा काम भइरहेको छ।