रोहित शर्माको शतकीय पारिका बाबजुद भारत पराजित

रोहित शर्माको उत्कृष्ट शतकीय पारिका बाबजुद भारत तेस्रो एकदिवसीय (ओडीआई) खेलमा घरेलु टोली इङ्गल्याण्डसँग २७ रनले पराजित भएको छ। जितसँगै इङ्गल्याण्डले तीन खेलको ओडीआई शृङ्खला २-१ ले आफ्नो कब्जामा पारेको हो ।

लर्ड्समा टस जितेर पहिले ब्याटिङ गरेको इङ्गल्याण्डले निर्धारित ५० ओभरमा ३ विकेट गुमाउँदै ३८७ रनको विशाल योगफल खडा गरेको थियो । जवाफमा ३८८ रनको विशाल लक्ष्य पछ्याएको भारतीय टोली ५० ओभरमा ३६० रनमा समेटियो । भारतका लागि रोहित शर्माले १३८ रनको शतकीय पारि खेले पनि टोलीलाई जित दिलाउन सकेनन् ।