स्टार होटलमा मौलिक नेपाली पेय ‘मोही’को प्रवेश, नेपाल डेरी एसोसिएसनद्वारा उपाध्यक्ष नरेशलाल श्रेष्ठलाई धन्यवाद

काठमाडौं- नेपाली मौलिक पेय पदार्थ मोही (बटरमिल्क) लाई प्रवर्द्धन गर्ने अभियानले नयाँ उपलब्धि हासिल गरेको छ। नेपाल उद्योग वाणिज्य महासंघका उपाध्यक्ष तथा होलिडे इन एक्सप्रेस होटल, नक्सालका सञ्चालक नरेशलाल श्रेष्ठले आफ्नो प्रतिबद्धता पूरा गर्दै आजदेखि होटलमा बस्ने स्वदेशी तथा विदेशी पाहुनालाई मोही (बटरमिल्क)उपलब्ध गराउन सुरु गरेका छन् ।

यसअघि नेपाल डेरी एसोसिएसनले आयोजना गरेको दही–चिउरा प्रवर्द्धन तथा उपभोग कार्यक्रममा उपाध्यक्ष श्रेष्ठले अब स्टार होटलहरूमा पनि मोही उपलब्ध गराउने प्रयास गर्नेछु भन्ने प्रतिबद्धता व्यक्त गरेका थिए । सोही प्रतिबद्धता कार्यान्वयन भएपछि नेपाल डेरी एसोसिएसनले उहाँप्रति हार्दिक धन्यवाद तथा आभार व्यक्त गरेको छ।