अनलाइन बेटिङमा संलग्न ४ जना पक्राउ, करिब २ करोडको कारोबार गरेको आशंका

काठमाडौं । काठमाडौंमा अनलाइन सट्टेबाजी (बेटिङ) सञ्चालन गरेको आरोपमा प्रहरीले चार जनालाई पक्राउ गरेको छ । जिल्ला प्रहरी परिसर काठमाडौंका अनुसार विशेष सूचनाका आधारमा खटिएको टोलीले साउन ३ गते साँझ करिब ६ बजे काठमाडौं महानगरपालिका–१ नारायणचौरबाट चार जनालाई नियन्त्रणमा लिएको हो ।

प्रहरीका अनुसार पक्राउ परेकाहरूले AW8, Khalti88, 1xBet लगायतका बेटिङ वेबसाइटमार्फत अनलाइन जुवा खेल्ने तथा खेलाउने गरेका थिए । उनीहरूले बेटिङ वेबसाइट र मोबाइल बैंकिङमार्फत १ करोड ९६ लाख ५४९ रुपैयाँ बराबरको कारोबार गरेको प्रारम्भिक अनुसन्धानबाट खुलेको प्रहरीले जनाएको छ ।