निकुञ्जले बाँड्यो एक करोड २९ लाख राहत

चितवन । चितवन राष्ट्रिय निकुञ्ज आसपासमा रहेका बस्तीमा वन्यजन्तुले पुर्याएको क्षतिबापत एक करोड २९ लाख ९८ हजार ३ सय ७ रुपैयाँ राहत वितरण गरिएको छ । वन्यजन्तुका कारण भएको मानवीय क्षतिसहित अन्न बाली तथा पशुधन क्षतिबापत राहत वितरण गरेको हो ।

निकुञ्जका सूचना अधिकारी अविनास थापा मगरका अनुसार गत आर्थिक वर्षमा वन्जयजन्तुका कारण मानिसमा सामान्य क्षति भएको उपचारका लागि एक लाख ३४ हजार १ सय ७६ रुपैयाँ, गम्भीर घाइतको उपचारका लागि २९ लाख ४२ हजार ४ सय ८१ रुपैयाँ, पाँच जना मानिसको मृत्यु भएको र उनीहरुलाई ५० लाख रुपैयाँ राहत प्रदान गरिएको छ ।