सडक सुविधाले फर्काउँदै गाउँले

४ साउन, धनकुटा । एक समय फलामेटार पुग्न चार–पाँच घण्टा उकालो-ओरालो हिँड्नुपर्थ्यो । बिरामी परे डोकोमा बोकेर अस्पताल पुर्‍याउनुपर्ने बाध्यता थियो । गाउँमा फलफूल फल्थे, तर बजार नपुग्दा बोटमै कुहिन्थे । त्यसैले धेरैले आफ्नो पुर्ख्यौली गाउँ छाडे । कोही सदरमुकाम झरे, कोही सहर पसे ।

तर अहिले त्यही गाउँमा फेरि चहलपहल फर्किन थालेको छ । परिवर्तनको आधार बनेको छ- सडक ।