काठमाडौं महानगरले शुक्रराज अस्पताललाई दियो रेबिजविरुद्धको खोप

काठमाडौं- काठमाडौं महानगरपालिकाले शुक्रराज ट्रपिकल तथा सरुवा रोग अस्पताल, टेकुलाई रेबिजविरुद्धको १८ सय भाइल खोप निःशुल्क उपलब्ध गराएको छ । महानगरकी कार्यवाहक मेयर सुनिता डंगोलले उक्त खोप अस्पताललाई हस्तान्तरण गरेकी हुन् ।

खोप हस्तान्तरणपछि मेयर डंगोलले उपत्यकामा रेबिजविरुद्धको खोप अभाव भएको जानकारी आएको र टेकु अस्पतालबाट समेत माग आएपछि तत्काल व्यवस्थापन गरिएको बताइन् । उनले रेबिजजस्तो अति जोखिमपूर्ण रोगको उपचारमा खोपको विकल्प नभएकाले समयमै आपूर्ति सुनिश्चित गर्नु आवश्यक रहेको उल्लेख गरिन् ।