सुत्केरी मृत्यु प्रकरणः छानबिन समितिलाई एक साताको म्याद

मधेश स्वास्थ्य विज्ञान प्रतिष्ठान अन्तर्गतको प्रादेशिक अस्पताल जनकपुरधाममा उपचारका क्रममा सुत्केरी अन्जिना यादवको मृत्यु भएको घटनाबारे गठन गरिएको उच्चस्तरीय छानबिन समितिलाई प्रतिवेदन बुझाउन थप एक साताको म्याद दिइएको छ ।

सात दिनभित्र छानबिन प्रतिवेदन पेश गर्ने जिम्मेवारी पाएको समितिले निर्धारित समयभित्र प्रतिवेदन तयार गर्न नसकेपछि म्याद थप गरिएको हो । घटनासम्बन्धी थप तथ्य संकलन, कागजात अध्ययन तथा सरोकारवालासँगको छलफल पूरा गर्न समय आवश्यक परेकाले म्याद थप गरिएको समितिले जनाइएको छ ।