पृथ्वी राजमार्ग: चितवनमा पहिरो हट्यो, धादिङतर्फ अझै अवरुद्ध

काठमाडौँ । पृथ्वी राजमार्गअन्तर्गत चितवनतर्फ खसेको पहिरो पन्छाइएको भए पनि धादिङतर्फ सडक अवरुद्ध रहेका कारण सवारी आवागमन अझै सञ्चालन हुन सकेको छैन।

इच्छाकामना गाउँपालिका–२ स्थित फिस्लिङको पानीधारा र चुमखोलामा आज बिहान खसेको पहिरो पन्छाएर बिहान ९:३० बजेदेखि सडक सफा गरिए पनि धादिङको जवाङ खोलामा पहिरो झरेका कारण यातायात ठप्प भएको जिल्ला प्रहरी कार्यालय चितवनका प्रमुख प्रहरी उपरीक्षक रामेश्वर पौडेलले जानकारी दिए।