भारतविरुद्धको एकदिवसिय सिरिज इंग्ल्यान्डले जित्यो

बेन डकेटको शानदार १ सय ४१ रनको शतकीय इनिङ्सको मद्दतमा इंग्ल्यान्डले निर्णायक तेस्रो एकदिवसीय अन्तर्राष्ट्रिय (ओडिआई) मा भारतलाई २७ रनले हराउँदै ३ खेलको सिरिज २-१ ले जितेको छ। सन् २०१८ पछि भारतविरुद्ध इंग्ल्यान्डको यो पहिलो ओडिआई सिरिज जित हो। पहिले ब्याटिङ गरेको इंग्ल्यान्डले ३ विकेट गुमाएर ३ सय ८७ रनको विशाल योगफल बनायो। जवाफमा भारतले ५० ओभरमा ७ विकेट गुमाएर ३६० रन मात्र बनाउन सक्यो।

डकेटले १ सय ४१ रन बनाउँदै लर्ड्समा ओडिआईमा सर्वाधिक व्यक्तिगत स्कोरको नयाँ कीर्तिमान बनाए। उनले ओपनर जेकब बेथेलसँग पहिलो विकेटका लागि १ सय ९२ रनको साझेदारी गरे। बेथेल ९१ रनमा आउट भए भने जो रुट ४८ बलमा अविजित ७४ रन र जोस बटलर १३ बलमा अविजित ४१ रन बनाए। अन्तिम ५ ओभरमा इंग्ल्यान्डले ८२ रन थपेको थियो।