भक्तपुरको गेष्ट हाउसमा साथीसँग आएकी किशोरीको मृत्यु,चारजना पक्राउ

भक्तपुर : भक्तपुर नगरपालिका- १ दुधपाटीस्थित लुम्बिनी गेष्ट हाउसमा बसेकी एक युवतीको मृत्यु भएको छ । दोलखाको भीमेश्वर-९ खरीढुंगा घर भई हाल चाँगुनारायण -९ टेडोल बस्ने १८ वर्षीया सलिना श्रेष्ठको मृत्यु भएको खुलेको छ।

उनी सोमबार बिहान करिब साढे ३ बजे गेष्टहाउस पछाडि लडिरहेको अवस्थामा फेला परेकी थिइन्। खबर प्राप्त हुनसाथ प्रहरी प्रभाग दुधपाटीको टोली घटनास्थलमा पुगेको थियो । प्रहरीले भक्तपुर अस्पताल पुर्‍याएको र उपचारका क्रममा चिकित्सकले बिहान ३:५० बजे उनलाई मृत घोषणा गरेका प्रहरीले जनाएको छ ।