बागमती एमाले दलको बैठक काठमाडौँमा, समर्थन फिर्ताबारे निर्णय गर्ने

काठमाडौँ । मुख्यमन्त्रीसँग खटपट परेपछि नेकपा एमाले बागमती प्रदेश सरकारबाट फिर्ता हुने भएको छ । त्यसका लागि औपचारिक निर्णय गर्न नेकपा एमाले बागमती प्रदेश संसदीय दलको बैठक काठमाडौँमा बसिरहेको छ । बैठकले बागमती प्रदेश सरकारलाई दिएको समर्थन फिर्ता लिँदै सरकारबाट बाहिरिने निर्णय गर्ने नेताहरूले बताएका छन् ।

‘काठमाडौँको कोटेश्वरमा बैठक जारी छ, विभिन्न विषयमा छलफल जारी छ’, बैठकमा सहभागी एक नेताको भनाइ छ । दलको बैठकले सरकारलाई दिएको समर्थन फिर्ता गर्नुका साथै एमालेका ६ जना मन्त्रीले राजीनामा गर्नेबारे निर्णय निर्णय लिइने एमाले बागमती प्रदेश संसदीय दलका नेता जगन्नाथ थपलियाले बताए ।