अध्ययन बिदा सकिएपछि पनि अनुपस्थित कम्प्युटर अधिकृतलाई सोधियो स्पष्टीकरण

बेतलबी अध्ययन बिदा सकिएपछि पनि लामो समयसम्म कार्यालयमा अनुपस्थित रहेका कम्प्युटर अधिकृत दिनेश महर्जनलाई भूमि व्यवस्था, सहकारी, सङ्घीय मामिला तथा सामान्य प्रशासन मन्त्रालयले ३० दिनभित्र स्पष्टीकरण पेश गर्न निर्देशन दिएको छ ।

यसअघि महर्जनले पेश गरेको सफाइ चित्तबुझ्दो नभएपछि मन्त्रालयले पुनः सार्वजनिक सूचना जारी गर्दै कारबाही किन नगर्ने भनी स्पष्टीकरण सोधेको हो ।