राष्ट्रिय इन्जिनियर दिवस घोषणा गर्न इन्जिनियर्स एसोसियसनको माग

काठमाडौं । नेपाल इन्जिनियर्स एसोसियसनका अध्यक्ष सुवासचन्द्र बरालले प्रत्येक वर्ष साउन ३ गते मनाइने इन्जिनियर दिवसलाई सरकारले औपचारिक रूपमा ‘राष्ट्रिय इन्जिनियर दिवस’ घोषणा गरी सरकारी क्यालेन्डरमा समावेश गर्न आग्रह गरेका छन्।

एसोसियसनको ६४औँ इन्जिनियर दिवस समारोहलाई सम्बोधन गर्दै अध्यक्ष बरालले पूर्वाधार र प्रविधि कुनै पनि राष्ट्रको आर्थिक विकास र समृद्धिको मेरुदण्ड भएको उल्लेख गर्दै इन्जिनियरिङ क्षेत्रलाई प्राथमिकतामा राखेर राज्यले दीर्घकालीन नीति अवलम्बन गर्नुपर्ने बताए।