एक वर्षमा ७ लाख ९२ हजार नेपाली वैदेशिक रोजगारीमा, कुन महिनामा कति भए पलायन ?

काठमाडौं- आर्थिक वर्षभर वैदेशिक रोजगारीका लागि श्रम स्वीकृति लिने नेपालीको संख्या ७ लाख ९२ हजार १८७ पुगेको छ। श्रम स्वीकृतिको तथ्यांकअनुसार औसतमा प्रत्येक महिना करिब ६६ हजार नेपाली रोजगारीका लागि विदेशिएका छन्।

सबैभन्दा धेरै श्रम स्वीकृति वैशाख महिनामा जारी भएको छ। उक्त महिनामा ७४ हजार ४२९ जनाले वैदेशिक रोजगारीका लागि श्रम स्वीकृति लिएका छन्। त्यसपछि कात्तिकमा ७३ हजार ९४ र माघमा ७० हजार ५०३ जनाले श्रम स्वीकृति प्राप्त गरेका छन्।