रसुवा बाढी : पहिचान नभएका शव संकेत नम्बर देखिने गरी गाडिने

१३ भदौ, भरतपुर । बाढी आयो, मान्छे बगायो । कति परिवारले आफन्त गुमाए, कति परिवार अझै आफ्ना मान्छेको खोजीमा छन् । बाढीपछि उद्धार र खोजी कार्यसँगै अहिले अर्को गम्भीर चुनौती थपिएको छ—पहिचान हुन नसकेका शवको व्यवस्थापन ।

भदौ १० गते विहान रसुवाबाट आएको बाढीका क्रममा चितवनको फिस्लिङदेखि गोलाघाटसम्म संकलन गरिएका शवको संख्या १ सय ३६ पुगेको छ । तीमध्ये हालसम्म छ वटा शव पहिचान गरी आफन्तको जिम्मा लगाइएको छ ।