जंगलमा बाटो बिर्सिएर बेपत्ता भएका १४ महिला सकुशल परिवारको सम्पर्कमा, सिडीओ पनि भेट्न पुगे

कञ्चनपुर- कञ्चनपुरको शुक्लाफाँटा राष्ट्रिय निकुञ्जभित्र च्याउ टिप्न जाने क्रममा आइतबारदेखि बेपत्ता भएका भीमदत्त नगरपालिका–१९ बागफाँटाका १४ जना महिलाहरू अन्ततः सकुशल परिवारको सम्पर्कमा आएका छन्।

भीमदत्त नगरपालिका–१९ का वडा अध्यक्ष जगुराम थारू चौधरीका अनुसार हराइरहेका उनीहरू आज (सोमबार) मध्याह्न सवा १२ बजेतिर आफैँ परिवारको सम्पर्कमा आएका हुन्. जंगलमा च्याउ खोज्दै जाँदा बाटो बिर्सिएका कारण उनीहरू रातभर जंगलमै अलपत्र परेका र सम्पर्कविहीन हुन पुगेका थिए।