कडा सुरक्षा घेराबिच अखिल क्रान्तिकारीको मतगणना

काठमाडौँ । कडा सुरक्षा घेराबिच अनेरास्ववियु क्रान्तिकारीको उपत्यका विशेष र विश्वविद्यालय प्रदेशको मतगणना सुरु भएको छ । नेकपा माओवादी केन्द्रको केन्द्रीय कार्यालय पेरिसडाँडामा मतगणना सुरु भएको हो ।

पदाधिकारी, सचिवालय सदस्य, केन्द्रीय सदस्य र केन्द्रीय निकायहरूको छुट्टा छुट्टै गरी चार ठाउँबाट मतगणना गरिएको विद्यार्थी नेता मदन भट्टराईले जानकारी दिए । २३ औं राष्ट्रिय सम्मेलनबाट नयाँ नेतृत्वको लागि माघ १२ गते निर्वाचन भएको थियो । तर मत गणनाको विषयमा अध्यक्षका उम्मेदवार विजयप्रकाश शर्मा सापकोटा र हेमन्त राई पक्षबिच विवाद हुँदा स्थगित भएको थियो ।