सम्भावित बाढीको जोखिम न्यूनीकरणको लागि रौतहटमा आवश्यक तयारी

रौतहट ।

वर्षायाम शुरु भएसंगै नदीमा पानीको बहाव बढ्दै गएपछि सम्भावित बाढीको जोखिम न्यूनीकरणको लागि रौतहटमा सम्बन्धित निकायहरूले आवश्यक तयारी सुरु गरेका छन् । तयारीकै क्रममा बागमती नदीको पूर्वी तटबन्धको अनुगमन गरिएको छ । प्रमुख जिल्ला अधिकारी दिनेश सागर भुसाल, नेपाल प्रहरी, सशस्त्र प्रहरी बल, नेपाली सेना, स्थानीय प्रशासन तथा सिँचाइ तथा जलस्रोत व्यवस्थापन आयोजनाका डिभिजनल इन्जिनियर अभिनव चौधरी सहितको टोलीले बागमती नदीको तटबन्धको स्थलगत अनुगमन गर्दै नदीमा आउन सक्ने बाढीबाट हुन सक्ने सम्भावित क्षतिको मूल्याङ्कन गर्दै विपद् न्यूनीकरण तथा तटीय क्षेत्रको सुरक्षा सुनिश्चित गर्ने उद्देश्यले आवश्यक पूर्वतयारी र संरक्षणका कार्यलाई प्रभावकारी रूपमा अघि बढाउने निर्णय गरेको जनाएको छ ।