धुर्कोट ग्रेटवाल क्षेत्रमा बृहत बृक्षारोपण

गुल्मी । धुर्कोट गाउँपालिकाले धुर्कोट ग्रेटवाल क्षेत्रमा बृक्षारोपण गरेको छ । आइतबार धुर्कोट ग्रेटवाल भनेर परिचित बुढिकोट क्षेत्रमा बृक्षारोपण गरिएको हो । करिब एक किलोमिटर क्षेत्रमा निर्माण गरिएको ग्रेटवाल पछिल्लो समय पर्यटकीय स्थलको रुपमा परिचित हुदैँ गएको छ । उक्त स्थानमा बृक्षारोपण गरी हराभरा गराउने उदेश्य रहेको उपाध्यक्ष सीता गिरीले बताइन् ।

पालिकाले अमला, टिमुर, तेजपत्ता, धुपी, कल्की, कपुर, अम्बा, बेलपत्र, असारे फुल, वर, कटहर लगायतका प्रजातीका दुई हजार बिरुवा रोपण गरेको छ । बिरुवाहरु डिविजन बन कार्यालयअन्तरगत सिलादी बन नर्सरीबाट ल्याइएको हो । पालिकाले प्रत्येक बर्ष बृक्षारोपण गर्दै आएकोमा यस बर्ष बुढिकोट क्षेत्र अर्थात ग्रेटवाल क्षेत्रमा बृक्षारोपण गरेको गाउँपालिकाका वास शाखा संयोजक छविलाल विश्वकर्माले जानकारी दिए ।