सुदूरपश्चिममा निराशा, मतदातामा हीनताबोध

धनगढी।

रंगमञ्च र स्थानीय सरकारको अनुभवबाट एकाएक मुलुकको कार्यकारी प्रमुखको कुर्सीमा पुग्नुभएका प्रधानमन्त्री बालेन्द्र शाह (बालेन) को सरकार गठन हुँदा सुदूरपश्चिम क्षेत्रका जनताले निकै ठूलो आशा र अपेक्षा राखेका थिए । वर्षौंदेखि काठमाडौँ केन्द्रित राजनीतिको चेपुवामा परेको सुदूरपश्चिमले ’बालेन नेतृत्वको सरकार’ बाट नयाँ युगको सुरुवात हुने अपेक्षा राखेका थिए । सुदूरपश्चिमका ब्यक्तिहरु कहियौं पटक कार्यकारीको भूमिकामा रहेपनि सुदूरपश्चिमले अपेक्षित प्रगति गर्न सकेको थिएन । निर्वाचन ताका प्रचार प्रसारका क्रममा सुदूरपश्चिम पुग्नुभएका हालका प्रधानमन्त्री बालेन्द्र शाहले सुदूरपश्चिम अव टाढा छैन भन्ने फेसबुक स्टाटसले निकै तरंग ल्याएको थियो । रास्वपाका वरिष्ठ नेता बालेन्द्र शाह नै देशको प्रधानमन्त्री बनेपछि सुदूरपश्चिमको विकासले गति लिने विश्वास गरेका थिए तर बालेन सरकारले ल्याएको बजेट लगायतका सरकारले सुदूरपश्चिमलाई हेर्ने दृष्टिकोण सकारात्मक नदेखिएपछि जनतामा निराछा बढन थालेको छ ।