प्रधानमन्त्री बालेनले पुँजीबजारका लगानीकर्ता भेटेकै दिन नेप्से ४१ अंकले बढ्यो

शेयरबजार परिसूचक नेप्से आज ४१ अंकमाथिले बढेको छ । प्रधानमन्त्री वालेन्द्र शाह (बालेन) ले पुँजीबजारका व्यवसायीहरूसँगै आज नियामक नेपाल धितोपत्र बोर्ड, र नेपाल स्टक एक्सचेञ्ज (नेप्से)का अध्यक्षसँग भेट गरेका छन् । यसै दिन नेप्से सूचक ४१.७० अंकले बढ्दै २ हजार ७१९.२४ अंकमा उक्लिएको छ ।

आज कारोबार समेत ५ अर्ब ५१ करोड २६ लाख ८८ हजार रुपैयाँ बराबरको १ करोड २२ लाख ४५ हजार कित्ता शेयर दोस्रो बजारमा किनबेच भएको नेप्सेले जनाएको छ ।