फाजिल कर्मचारीलाई रिक्त ठाउँमा खटाइने, प्रधानमन्त्री कार्यालयको स्वीकृतिबिना नयाँ स्थायी भर्नामा रोक

नेपाल सरकारका मुख्यसचिव गोविन्दबहादुर कार्कीको अध्यक्षतामा बसेको सचिव बैठकले सरकारी सेवामा कार्यरत कर्मचारीहरूको व्यवस्थापन र प्रशासनिक खर्च नियन्त्रणका लागि महत्त्वपूर्ण निर्णय गरेको छ ।

बैठकले सरकारी कार्यालयमा दरबन्दीभन्दा बढी भएका कर्मचारीलाई आवश्यकता भएका रिक्त ठाउँमा पठाउने र प्रधानमन्त्री कार्यालयको अनुमतिबिना नयाँ स्थायी कर्मचारी भर्ना प्रक्रिया अघि नबढाउने निर्णय गरेको छ ।