‘बाढी प्रभावित क्षेत्रमा जथाभावी ड्रोन नउडाउनू, हेलिकोप्टर उडानमा बाधा पुग्छ’

राष्ट्रिय विपद् जोखिम न्यूनीकरण तथा व्यवस्थापन प्राधिकरणले बाढी प्रभावित क्षेत्रमा अनुमतिबिना जथाभावी ड्रोन नउडाउन निर्देशन दिएको छ।

अनधिकृत रूपमा उडाइएका ड्रोनका कारण हवाई सुरक्षामा जोखिम उत्पन्न भएको र हेलिकोप्टरमार्फत भइरहेको खोजी तथा उद्धार कार्यमा प्रत्यक्ष बाधा पुगेको भन्दै प्राधिकरणले यस्तो आग्रह गरेको हो।