लोकसेवा तयारी गर्ने युवालाई ठूलो झड्का, चालु आवमा स्थायी भर्ना रोकियो!

काठमाडौँ- लोकसेवा आयोगको तयारी गरिरहेका हजारौं युवाका लागि निराशाजनक निर्णय भएको छ। मुख्यसचिव गोविन्दबहादुर कार्कीको अध्यक्षतामा बसेको सचिवहरूको बैठकले चालु आर्थिक वर्षभर नेपाल सरकारका कुनै पनि कार्यालयले स्थायी पदपूर्ति नगर्ने तथा स्थायी पदपूर्तिका लागि लोकसेवा आयोगमा नयाँ माग नपठाउने निर्णय गरेको छ।

साेमबार बसेको सचिव बैठकको निर्णयको बुँदा नम्बर ११ अनुसार चालु आर्थिक वर्ष प्रधानमन्त्री तथा मन्त्रिपरिषद्को कार्यालयको स्वीकृतिबिना नेपाल सरकारका कुनै पनि कार्यालयले स्थायी पदपूर्ति नगर्ने र स्थायी पदपूर्तिका लागि लोकसेवा आयोगमा माग नगर्ने, नगराउने निर्णय गरिएको छ।