कुनै शीर्ष नेतासँग भेटवार्ता भएको छैन : मुख्यमन्त्री आचार्य

बुटवल । लुम्बिनी प्रदेशका मुख्यमन्त्री चेतनारायण आचार्यले अहिलेसम्म कुनै शीर्ष नेतासँग भेटवार्ता नभएको बताएका छन् । नेपाली कांग्रेसले केन्द्रमा नेकपा (एमाले) सँगको सत्ता सहकार्य अन्त्य गर्ने निर्णय गरेपछि त्यसको प्रभाव प्रदेश सरकारमा पर्ने सम्भावनाबारे विभिन्न अड्कलबाजी भइरहेका बेला मुख्यमन्त्री आचार्यले सो कुरा बताएका हुन् ।

उनी आइतबार साँझ काठमाडौँ पुगेका छन्। रातोपाटीसँगको कुराकानीमा उनले हालसम्म कुनै पनि नेतासँग भेट नभएको बताए। ‘हेरौँ, अब को–कोसँग भेट हुन्छ। अहिलेसम्म कसैसँग भेट भएको छैन,’ उनले भने।