पशुपतिमा साढे दुई लाख भक्तजन

काठमाडौं– साउन महिनाको पहिलो सोमवार आज पशुपतिनाथ मन्दिरमा दर्शन गर्न आउने भक्तजनको संख्या साँझ सम्ममा करिव साढे दुई लाख पुग्ने पशुपति क्षेत्र विकास कोषले अनुमान गरेको छ ।

कोषका अनुसार पशुपतिनाथको मन्दिर दर्शन गर्नका लागि आज बिहान ३ बजेदेखि नै दर्शनार्थीको लाइन लागेको थियो । भक्तजनहरू विभिन्न चार वटा दर्शन मार्गबाट मन्दिर प्रवेश गरी दर्शन गरिरहेका छन् । कोषका प्रतिनिधि सुशील कुमार गौतमका अनुसार दिउँसो चार बजेसम्मको तथ्यांक संकलन भइरहेकाले ठ्याक्कै संख्या सार्वजनिक गर्न केही समय लाग्ने छ ।