कांग्रेसले कसरी मनाउँदैछ वीपी स्मृति दिवस ?

काठमाडौँ । नेपाली कांग्रेसले बीपी कोइरालाको ४४औं स्मृति दिवस विभिन्न कार्यक्रम गरी साउन ६ र ७ गते देशव्यापी रूपमा मनाउने भएको छ ।

सोमबार पार्टी कार्यालयमा आयोजित पत्रकार सम्मेलनमा उपसभापति विश्वप्रकाश शर्माले काठमाडौँ उपत्यकामा पार्टीको केन्द्रीय नीति, अनुसन्धान तथा प्रशिक्षण प्रतिष्ठानको आयोजनामा साउन ६ गते जलवायु परिवर्तनसँग सम्बन्धित तथा साउन ७ गते पार्टीको नवीन अभियान घोषणा सहितको कार्यक्रम गरेर बीपी स्मृति दिवस मनाइने जानकारी दिए ।