गैरकानुनी व्यापार व्यवसाय गर्नेलाई कडा कारबाही गर्ने विभागको चेतावनी

काठमाडौँ । वाणिज्य, आपूर्ति तथा उपभोक्ता संरक्षण विभागले बजारमा भइरहेको गैरकानुनी व्यापार व्यवसाय नियन्त्रण गर्न निर्देशन जारी गरेको छ । विभागले एक सूचना जारी गर्दै भौतिक तथा डिजिटल प्लेटफर्महरूमा भइरहेका गैर कानुनी व्यापारिक गतिविधिहरूप्रति आफ्नो गम्भीर ध्यानाकर्षण भएको जनाएको छ ।

विभागका अनुसार बजारमा लेबल नभएका, न्यून गुणस्तरका, गैर–खाद्य वस्तु मिसावट गरिएका तथा चोरी पैठारी (तस्करी) गरिएका दैनिक उपभोगका अत्यावश्यक खाद्य, पेय पदार्थ तथा लत्ताकपडा जस्ता उत्पादनहरू बिक्री वितरण भइरहेको गुनासो तथा उजुरीहरू प्राप्त भएका छन् । भौतिक पसलहरूका साथै अनलाइन (डिजिटल) माध्यमबाट समेत यस्ता सामग्रीको कारोबार भइरहेको सूचनामा उल्लेख छ ।