अन्नपूर्ण क्षेत्रमा वर्षमा झन्डै ११ लाख पाहुना

अन्नपूर्ण क्षेत्रमा अहिलेसम्मकै सर्वाधिक संख्यामा पाहुना पुगेका छन्। आर्थिक वर्ष २०८२/८३ मा अहिलेसम्मकै सबैभन्दा बढि ५ लाख ८ हजार ४ सय ७६ जना विदेशी पाहुना अन्नपूर्ण क्षेत्रको भ्रमणमा गएको अन्नपूर्ण संरक्षण क्षेत्र आयोजना (एक्याप)ले बताएको छ।

विदेशी बाहेक अन्नपूर्ण क्षेत्रमा जाने आन्तरिक पाहुनाको संख्या झनै ठूलो रहेको छ। आर्थिक वर्ष २०८२/८३ मा ६ लाख बढि आन्तरिक पाहुना उक्त क्षेत्रमा घुमघाममा गएको एक्यापको भनाई छ। स्वदेशी र विदेशी गरेर आर्थिक वर्ष २०८२/८३ मा ११ लाख भन्दा बढि पाहुनाले अन्नपूर्ण क्षेत्र घुमेको एक्यापले बताएको छ।