एमी अवार्डमा बेलायती राजपरिवारको चर्चा: प्रिन्स विलियम र मेघन मार्कल दुवै मनोनयनमा

बेलायती राजपरिवारका सदस्य प्रिन्स विलियम र मेघन मार्कल यस वर्ष एमी अवार्डका लागि मनोनयनमा परेपछि अन्तर्राष्ट्रिय मनोरञ्जन क्षेत्रमा उनीहरूको चर्चा चुलिएको छ।

प्रिन्स अफ वेल्स विलियम सहभागी भएको एप्पल टिभी प्लसको ट्राभल शृंखला द रिलक्टेन्ट ट्राभलर विथ युजिन लेभीको लिभिङ द रोयल लाइफ इन द यूके शीर्षकको एपिसोडले प्राइमटाइम एमी अवार्ड अन्तर्गत उत्कृष्ट गैरकथात्मक कार्यक्रमको लेखन विधामा मनोनयन प्राप्त गरेको हो। साथै, उक्त शृंखलाले उत्कृष्ट होस्टेड गैरकथात्मक शृंखला वा विशेष कार्यक्रम विधामा पनि स्थान बनाएको छ।