सांसदहरूको प्रश्न- द्रुतमार्ग निर्माणमा किन ढिलाइ?

काठमाडौँ। काठमाडौँ-तराई द्रुतमार्ग (फास्ट ट्रयाक) निर्माणमा भएको ढिलाइप्रति राष्ट्रिय सभा सदस्यहरूले असन्तुष्टि जनाएका छन्।

सिंहदरबारमा सोमबार बसेको राष्ट्रिय सभाअन्तर्गतको सार्वजनिक नीति तथा प्रत्यायोजित विधायन समिति बैठकमा मधेस र बागमती प्रदेशअन्तर्गतका जिल्लामा गरिएको अनुगमनको समीक्षा गर्दै उनीहरूले काठमाडौँ-तराई द्रुतमार्ग निर्माणको कार्य निकै सुस्त भएको र अबको ४ वर्षमा पनि निर्माण सम्पन्न नहुने जनाएका हुन्।