सुनचाँदी व्यवसायी संस्थाहरूबिचको दूरी घटाउन अध्यक्ष फोरम

सुनचाँदी व्यवसाय नेपाली जनजीवनसँग प्रत्यक्ष जोडिएको क्षेत्र हो । मुलुकको अर्थतन्त्रमा राम्रै योगदान दिइरहेको यो व्यवसाय संवेदनशील र विश्वासमा आधारित छ । लाखौं उपभोक्ताको भरोसा, हजारौं व्यवसायीको लगानी र पुस्तान्तरण हुँदै आएको सीपमूलक व्यवसाय भएकाले सुनचाँदी क्षेत्र विशेष छ ।

तर पछिल्ला केही वर्षयता सुनचाँदी व्यवसायमा देखिएको अस्वस्थ प्रतिस्पर्धा, संस्थागत असमन्वय, आचारसंहिताको कमजोर कार्यान्वयन र सुरक्षा चुनौतीले यसलाई थप व्यवस्थित बनाउनुपर्ने टड्कारो आवश्यकता देखाएको छ ।