भाडा नतिर्ने उद्योगको बिजुली र पानी काटिने

काठमाडौँ। विशेष आर्थिक क्षेत्र (सेज) भित्र सञ्चालनमा रहेका उद्योगीहरूलाई भाडाको बक्यौता तिर्न ताकेता गरिएको छ।

उद्योग, वाणिज्य तथा आपूर्तिमन्त्री गौरी यादवको निर्देशनपछि वर्षौंदेखि उठ्न बाँकी भाडा असुली प्रक्रिया तीव्र बनाइएको हो। सरकारले बक्यौता रहेका उद्योगहरूलाई एक साताभित्र सबै भाडा बुझाउन निर्देशन दिएको छ। तोकिएको समयभित्र भाडा नतिरे सम्बन्धित उद्योगको बिजुली र खानेपानी सेवा काटिने चेतावनीसमेत दिइएको छ।