नेपालबाट अस्ट्रेलियामा चुरोटको अवैध तस्करी, कार्गोबाट लाखौँ रुपैयाँको चुरोट बरामद

कुकुरको खाना भनेर अस्ट्रेलिया पठाउन लागिएको कार्गोबाट लाखौँ रुपैयाँ बराबरका नेपाली र भारतीय चुरोट त्रिभुवन अन्तर्राष्ट्रिय विमानस्थलबाट बरामद गरिएको छ।

त्रिभुवन अन्तर्राष्ट्रिय विमानस्थल सुरक्षा कार्यालयका अनुसार आइतबार कार्गो भवनमार्फत ३५ वटा पोका अस्ट्रेलिया पठाउने तयारी गरिएको थियो। पिक एभिएसन प्रालिका एजेन्ट अभिनव राईमार्फत अस्ट्रेलिया बस्ने सौरभ भण्डारीका नाममा पठाइँदै गरेको उक्त कार्गोमा कुकुरको खाना रहेको बताइएको थियो।