सात दिनभित्र बक्यौता भाडा नतिरे सेजका उद्योगको बिजुली–पानी काटिने

उद्योग, वाणिज्य तथा आपूर्ति मन्त्री गौरी यादवको निर्देशनपछि विशेष आर्थिक क्षेत्र (सेज) भित्र सञ्चालनमा रहेका उद्योगहरूको बक्यौता भाडा असुली प्रक्रिया तीव्र पारिएको छ। सेज प्राधिकरणले भाडा तथा अन्य शुल्क नतिर्ने उद्योगलाई सात दिनभित्र बक्यौता चुक्ता गर्न अन्तिम सूचना जारी गर्दै अन्यथा बिजुली र खानेपानी सेवा काटिने चेतावनी दिएको छ।

प्राधिकरणका अनुसार वर्षौंदेखि भाडा नतिर्ने उद्योगका कारण सरकारको करोडौँ रुपैयाँ उठ्न बाँकी छ। पटक–पटक ताकेता गर्दा पनि रकम नबुझाएपछि कानुनी प्रक्रिया अघि बढाइएको जनाएको छ।