बागमती सरकारबाट बाहिरिन किन भाखा सार्दै छ एमाले ?

हेटौँडा । बागमती प्रदेश सरकारबाट नेकपा एमालेका मन्त्रीहरूको राजीनामाको भाखा निरन्तर सर्दै आएको छ । सत्ता समीकरण परिवर्तन भएपछि पटक(पटक राजीनामाको तयारी गरेका एमालेका ६ मन्त्रीहरू अझै सरकारबाट अलग भएका छैनन् ।

विशेषगरी प्रदेशका ८ मन्त्रालयमा १४ मन्त्री कायम रहँदा एमालेका ६ मन्त्रीमध्ये ३ जनाले मात्र विभागीय जिम्मेवारी पाएका छन् । ३ जना बिनाविभागीय मन्त्री रहेको एमालेले असार ३२ गतेदेखि निरन्तर राजीनामाको चर्चा चलाउँदै आएको छ ।