साढे ६ अर्बमा एनसेलको ८०% शेयर बिक्री अमान्य- सर्वोच्च, ३ वर्षपछि सरकारी स्वामित्वमा आउला ?

काठमाडौं । सर्वोच्च अदालतले एनसेलको ८० प्रतिशत शेयर जम्मा साढे ६ अर्ब रुपैयाँ (५० मिलियन डलर) मा बिक्री गर्ने विवादास्पद सम्झौतालाई कानुनी रूपमा अमान्य ठहर गरिदिएको छ । नियामक निकायको पूर्वस्वीकृतिबिना र अस्वाभाविक रूपमा कम मूल्य देखाई गरिएको सो कारोबारले मान्यता नपाउने फैसला गर्दै अदालतले अबको तीन वर्षपछि एनसेलको स्वामित्व सरकारी मातहत ल्याउन बाटो खोलिदिएको छ ।

न्यायाधीशद्वय सपना प्रधान मल्ल र टेकप्रसाद ढुङ्गानाको संयुक्त इजलासले सा‌ंसद समेत रहेका अमरेशकुमार सिंहले दायर गरेको रिटमा मुख्य मागअनुसार परमादेश जारी नगरी निर्देशनात्मक आदेश दिएको हो ।