काठमाडौँमा रुस–नेपाल कूटनीतिक सम्बन्धको ७० औँ वार्षिकोत्सव मनाइयो

काठमाडौँ । रुस र नेपालबिच कूटनीतिक सम्बन्ध स्थापना भएको ७० औँ वार्षिकोत्सवको अवसरमा काठमाडौँस्थित रुसी भवन (रसियन हाउस) मा सोमबार एक विशेष समारोहको आयोजना गरियो। कार्यक्रममा वरिष्ठ राजनीतिक नेतृत्व, कूटनीतिज्ञ, शिक्षाविद्, सांस्कृतिक व्यक्तित्व तथा रुस–नेपाल मैत्री संघ-संस्थाका प्रतिनिधिहरूको बाक्लो उपस्थिति रहेको थियो।

समारोहको शुभारम्भ परम्परागत पानस बालेर “रुस–नेपाल: मित्रता र सहकार्यका ७० वर्ष” शीर्षकको ऐतिहासिक फोटो प्रदर्शनीको उद्घाटन गरी गरिएको थियो।