बाजुरामा जीप दुर्घटना : दुईजनाको मृत्यु, सात घाइते

काठमाडौं । बाजुराको हिमाली गाउँपालिका–५, क्युडीस्थित कुवाडी–क्युडी भित्री कच्ची सडकखण्डमा यात्रुवाहक जीप दुर्घटना हुँदा दुईजनाको मृत्यु भएको छ । दुर्घटनामा चालकसहित सातजना घाइते भएका छन् ।

धुलाचौरबाट दुधिला खोलातर्फ जाँदै गरेको सु.प्र.प्र. ०१–००१ ज १४७८ नम्बरको जीप सोमबार सडकको माथिल्लो मोडबाट करिब १० मिटर तल खस्दा दुर्घटना भएको हो ।