असोज मसान्तभित्र व्यवसाय दर्ता गरे अघिल्ला वर्षको व्यवसाय कर मिनाहा

काठमाडौं महानगरपालिकाभित्र सञ्चालनमा रहेका तर हालसम्म दर्ता नभएका व्यवसायले २०८३ असोज मसान्तभित्र व्यवसाय दर्ता गरे अघिल्ला सबै वर्षको व्यवसाय कर मिनाहा पाउने भएका छन्।

काठमाडौं महानगरपालिकाको १९औँ नगरसभाबाट पारित आर्थिक ऐनमा यस्तो व्यवस्था गरिएको हो। ऐनअनुसार महानगरभित्र सञ्चालन हुने सबै प्रकारका व्यापार–व्यवसायलाई १२ विधामा वर्गीकरण गरी दर्ता तथा नवीकरण शुल्क निर्धारण गरिएको छ। शुल्क निर्धारण गर्दा व्यवसायको प्रकृति, पुँजीगत लगानी र कार्यक्षेत्रलाई आधार बनाइएको छ।