नेपाल–रुस दौत्य सम्बन्धको ७०औँ वर्षगाँठ मनाइयो

काठमाडौँ । नेपाल र रुसबिच दौत्य सम्बन्ध स्थापना भएको ७०औँ वर्षगाँठको अवसरमा सोमबार काठमाडौँस्थित रसियन हाउसमा एक विशेष समारोह सम्पन्न गरिएको छ । कार्यक्रमको सुरुवात ‘रुस–नेपाल: ७० वर्षको मित्रता र सहयोग’ नामक ऐतिहासिक तस्बिर प्रदर्शनीको उद्घाटनसँगै भएको थियो, जसको शुभारम्भ अतिथिहरूले परम्परागत रूपमा पानसमा दीप प्रज्वलन गरी गरेका थिए ।

समारोहमा प्रमुख अतिथिका रूपमा प्रतिनिधिसभा सदस्य तथा नेपाल–रुस संसदीय मैत्री समूहका संयोजक एवं पूर्वमन्त्री वर्षमान पुनको उपस्थिति रहेको थियो । कार्यक्रममा नेपालका लागि रुसी महासंघका राजदूत महामहिम एलेक्सी भ्लादिमिरोभिच सुरोत्सेभ, रसियन हाउस काठमाडौँकी निर्देशक अनास्तासिया खोखलोभा, र नेपाल–रुस मैत्री संघसंस्थाका नेतृत्वकर्ताहरू अच्युतानन्द भण्डारी, गणेश शाह, कृष्णप्रसाद भण्डारी, रामविन्दु श्रेष्ठ, प्रा. बुलन्द थापा, विष्णुबहादुर सिंह, दिवस अमात्य, नवराज बुढाथोकी र नेपाल–रुस मैत्री तथा सांस्कृतिक संघका महासचिव स्वराज शाक्य लगायतको उपस्थिति थियो ।