युक्रेनको बन्दरगाहमा व्यापारिक जहाजमाथि हमला, ४ भारतीयको मृत्यु

काठमाडौँ । भारतीय विदेश मन्त्रालयले युक्रेनको ओडेसाबाट प्रस्थान गर्ने क्रममा ‘एमभी गोल्डेन लियो’ नामक व्यापारिक जहाजमाथि हमला भएको र उक्त घटनामा ४ जना भारतीय नागरिकको मृत्यु भएको जानकारी दिएको छ ।

मन्त्रालयद्वारा जारी विज्ञप्ति अनुसार, जुलाई १९ का दिन युक्रेनको ओडेसा बन्दरगाहबाट प्रस्थान गर्ने क्रममा जहाजमाथि हमला भएको हो । उक्त घटनामा अर्का एक भारतीय नागरिक गम्भीर घाइते भएका छन् । भारत सरकारले यस घटनाप्रति गहिरो दुःख व्यक्त गर्दै आक्रमणको कडा निन्दा गरेको छ ।